2009 土耳其之旅 - Day 1

今年就好像派左一次大bonus一樣, 多左一次出外旅行的機會.CNY去完日本無幾耐又去左土耳其玩.

無論個團, 團友, 地方及食物都唔錯.食物就更加令我有驚喜, 未去之前都有好多人remind我叫我帶定杯麵, 原因土耳其食物會好差.最後去到土耳其, 我每一餐都食得好開心好滿意. 雖然好多餐都係差不多食物, 但味道都叫唔錯.相比埃及, 土耳其的食物真係超級好好.

 

第一天出發, 我地坐晚上十一時半飛機, 一早去到機場食埋晚餐就集合等上機.今次我地係由香港去伊斯坦堡, 再直接駁機去奇石林, 所以我係坐左成13個半鐘頭機之後, 就直接去玩啦.

今次真坐機都算幾辛苦, 事關有12小時坐係我隔離果位人兄真係成頭豬咁...唔係食就係訓..訓都唔緊要啦仲要發出勁大既鼻鼻鼾, 真係幾想搵對襪放係佢個口內...唉.

機上既食物都唔好食, 不過小食方面就改派榛子味道都唔錯.

 

不過坐第2程內陸機雖然只有1.5小時, 但竟然都派三文治不過最攪鬼係一派完無幾耐都未食得切佢地又轉頭回來收回.真係唔明無時間就唔好派啦.

 

第一天既土耳其之旅就咁樣係2程飛機上渡過.