沙巴之旅 - 美食篇(雙天海鮮)

來沙巴前已經做定功課計劃定要食咩要食咩, 可能今次時間都好充足, 基本上想食既食店我地已經到訪.

基本上晚飯我地都係去食海鮮,食過大茄浪及雙天, 但我地最後一天都再去雙天食多一次, 并非佢地既海鮮/炒功特別, 只係覺得佢地服務比較親切及友善.

這是第一次到訪食既菜式, 由老闆幫忙點菜, 叫左燒魔鬼魚, 鹽燒賴尿蝦, 奶油煎老虎蝦, 馬拉盞炒秋葵, 再係店旁點左幾串串燒.

特別一提這裡既串燒真係又平又好食, 不過這店串燒既醬汁唔算好岩我口味, 反而我另一晚到訪一間小炒店旁既串燒更係吸引.

另外最多人提就係桔仔冰,我同友人對於這個冰都不是十分喜愛, 只係唔想飲汽水啤酒之下, 別無他選, 這個冰對於我來講都是偏甜酸度亦不足.

其實這裡海鮮煮法同香港都差不多, 特別一提就係用奶油既煮個醬汁又真係重奶味帶少少甜又唔會太強烈, 反而香港既煮法用上大量芝士令到個醬汁太強有時會蓋過海鮮本身既味道.

個魔鬼魚真係燒得好香帶少少辣十分惹味, 而且無咩骨啖啖肉, 對於唔喜歡有魚骨既人士這一個必食.

其實食過2間海鮮店大茄浪及雙天, 老實講以價錢都差不多, 不過大茄浪人比較多, 店員服務亦麻麻, 不過佢地既炒功就比雙天更佳.