沙巴之旅 - 美食篇(SECRET RECIPE)

喜歡食野既我, 今次想盡量記下遊記時食過既食店以便日後自己會再來沙巴時有一個記錄
好多人都介紹此店既蛋糕必食之一, 當然作為甜品怪既我又點會放過加上這間店就係我住既酒店隔離.

玩完激流時間尚早, 所以我地就來嘆件蛋糕.我叫左件PECAN CAKE同埋一杯西芹蘋果汁

其實住係香港太幸福, 就連蛋糕既花款口味都好多選擇, 而此處提供既蛋糕我只可以話似以前我係加拿大普通蛋糕店提供既蛋糕款式味道, 同樣地都係偏甜但蛋糕都算夠鬆軟.

最好就係杯西芹蘋果汁好清甜又無加任何糖水.

不過此店既環境真係好舒服大SOFA又有冷氣,如果大家係沙巴行得耐又想搵個地方坐下HEA下這裡係一個好好既選擇