富貴雞(大少奶食譜)

睇左大少奶個blog都一段日子不過從來都無試過整佢提供既食譜, 不過近期愛上煮野食加上母親節就到就整個富貴雞俾媽媽試下...
準備材料:雞(封乾半日, 再用老抽, 鹽,酒醃左一整日),另外2片大荷葉,
餡料我就改用冬姑, 瑤柱, 蝦米, 紅棗, 蓮子(餡料我都無另外炒過只係用d麻油, 生抽醃一醃就算)


將所有餡料釀入雞肚內再用牙籤封口再用荷葉包好, 包好後就開始預熱焗爐200度, 再整個dough去包住隻雞...


dough: 1磅麵粉, 200g水, 鹽及酒少許..
因為我搵唔到個麵包棒所以整出來個皮唔靚, 下次再做會更好..

焗左2.5hrs(大少奶話隻雞重量同焗既時間係1:1,即2斤雞就焗2小時, 如此類推)出爐有微微既荷葉香, 今次第一次整都算ok起碼做到d雞肉係化, 不過都有進步既空間,好似隻雞醃得唔夠咸, 最重要係我包個dough係出面唔好令到有d洞咁樣令到佢d雞汁走晒出來..下次要再努力.

留言

熱門文章