終於成功既走樣版熊貓麵包

自從荒廢左好耐既煮食用具之後, 宜家又再次每個星期日都會心思思想整下野食..最重要係整左次後我都可以帶去俾家姐屋企有人幫我消滅..HOHO

上星期做左2款食物都完全失敗攪到成日都MOODY, 原本上星期要整熊貓方包點知最衰自己玩野想用48小時發酵法整又無改度個食譜亂整一通最終失敗,咁好啦再去整下彩繪蛋卷點知仲衰, 以為第一條失敗都算, 第二條又係一樣失敗, 攪到自己一個人要消滅2條蛋卷, 所以今個星期日都唔敢扮勁攪咁多野.

好彩最終個熊貓方包都算成功(雖然有D走樣),但已經好開心加上宜家慢慢知道個焗爐火力, 今次焗出來既方包連個皮邊都焗得岩岩好唔會過火加上開始搓包都掌握到小小今個星期俾自己一個叻.