香滑燉蛋(附食譜)

星期日一口氣做左2個甜品都算滿足.

其實這一個甜品都係我搓包餘下物唔想浪費咪做左個燉蛋俾自己食.

材料: 蛋1隻, 牛奶200ML, 糖4茶匙(甜度真係可加可減, 最緊要岩自己口味)

1)將奶+糖微微煮熱令到糖完全溶化就可以(不用大滾起, 微微起白煙就可)

2)待涼後就加入蛋攪拌

3)放入碗內, 用保鮮紙/碟蓋上都可以(當日我用左一隻碟蓋上都可以蒸到平滑, 所以唔想浪費保鮮紙都盡量環保)

4)其他食譜用慢火, 但我用上大火蒸左12分鐘再焗5分鐘同樣滑.

P.S我覺得係個碗既厚度都有關係, 如果大家係用平時既中國碗用細火蒸比較好D, 好似當日我係用一隻比較厚身既容器, 所以就算我用大火影響.

留言

熱門文章