季季紅@灣仔

友人生日壽星仔今年想食豬, 我地就以乳豬當蛋糕賀一賀佢...HOHO

我地去到已ORDER一隻豬啦, 點知個個侍應就來料咁..每個來到都同我地講買乳豬券又話買2隻平D, 另外一隻可以下次再用外賣/堂食都可以, 真係好HARD SELL, 唔知仲以為自己去左美容院.

其實大致上服務都OK, 只係每次傳菜/執野都會再SELL下乳豬券咁啦....

好啦...今晚我地最期待既乳豬來啦....只要同侍應講有人生日佢地就會俾D 生日牌幫隻豬裝飾下

影完晒相之後, 侍應就會取回去切件

我地只得5個人叫完一隻豬後都唔會有太多QUOTA叫其他野食, 最後我地都係叫左個豬肺湯, 一個炒菜, 一個紅燒豆腐就可以.

其實到最後我地都要打包2大盒乳豬同飯走, 這隻豬5個人食真係有點吃力. 不過此店既乳豬又真係做得唔錯皮脆肉香重點係唔會太肥, 食多2件都唔會太油膩.最估唔到係個炒飯底炒得乾身飯粒粒分明再加上少少蝦干, 芋頭一起炒又香又好味.

至於其他菜式都只係一般酒樓味道唔會又太大分別.