美味晚餐

係真係痴鬼線, 以我咁懶既性格我更喜歡煮野食都會選擇d簡單又易整既野食, 好少會由中午做做做無停手, 仲要係2個人合作先叫完成.

星期六一早睇完戲去買少少野就回家一心一意整少少野就可以hea一個下午, 午餐亦簡單到煎幾隻餃子就算.
今晚餐單都係:蟹肉蕃茄沙律塔, 法式焗洋蔥湯, 焗羊扒, 椰菜蓉同焗蘋果金寶配雪糕.
就係這幾道菜攪到2個人忙到無停手.
食完個午餐開始工作, 洗蟹蒸蟹拆蟹用左2小時


我就負責切蕃茄粒同啤梨(因我地唔喜歡食牛油果同mayonnaise我地改左用啤梨配yogurt)單單整這3樣野都花左3小時..


最後成品樣...唉麻麻地整得唔夠好又散散地..失敗更好味道出奇地鮮甜原因可能係d蟹肉夠新鮮.

跟住又開始整椰菜蓉...無錯就係椰菜蓉樣同味道都似薯蓉但比起薯蓉更健康又唔會膩口食多幾啖都同樣係清甜有少少蔬菜味..當然都係麻煩先前要煮淋再打碎, 食前焗一焗perfect!!

接住來又要炒洋蔥做洋蔥湯呀...炒炒炒炒到手軟呀又係食前放入小湯盅放上麵包同芝士片焗一焗

焗羊扒就更係要加上麵包槺先得, 唔想花錢買一盒就更係要自製將麵包放入焗爐焗到乾身再用攪拌機打碎再加入rosemary等香料, 將羊架醃好煎完入爐焗後取出採上mustard再上麵包槺再放入焗爐再焗到面層金黃切件上碟

甜品唔係我整但同樣花時間, 又要將牛油粒同麵粉整到好似麵包碎再切蘋果又係花上成個鐘最後食飯時再入爐焗, 食完飯洗埋碗時間岩岩好可以食得.

成餐飯4個courses就咁花左2個人整整半日, 值得與否見仁見智!!


留言

熱門文章