檸橙豬扒

上次係公司附近買左一埋凍肉都未食, 難得煮下野都係時候消滅下D野..

店主介紹既豬扒有話咩美國豬扒又話好軟身講到好好, 忍不住又買回家試下...點知食左都係覺得咪一樣, 以後買新鮮豬扒好過.

先將豬扒拍鬆, 下醃料醃起碼1小時如果有時間更係醃過夜都無問題.

材料: 2塊豬扒, 乾蔥頭5粒切薄片, 蒜切碎粒, 檸檬1個&橙半個全榨汁, 糖2-3湯匙, 橙皮切絲, 粟粉水

醃料: 橙個榨汁(用水果醃肉會令肉鬆D), 老抽1湯匙, 鹽少許, 粟粉2茶匙, 檸檬皮及橙皮少許

1)將醃好既豬扒再沾上粟粉去半煎炸至金黃

2)加少許油在另一隻鑊先炒香蒜及乾蔥, 加檸檬及橙汁再下糖煮到糖溶

3)將豬扒回鑊加入橙皮絲下生粉水令到汁收乾即可.