牛面

好多人都有不同既減壓方法,我自己就喜歡煮野食作為減壓.

平時生活都好急速, 但煮野食既時候就真真正正可以慢落來(係快都快唔到)

連續忙左成個月, 難得既假期當然煮下野食.

上次係大少奶個BLOG介紹牛面肉, 睇到都覺得好正, 心思思又想試下.

一早到街市問左幾檔牛肉檔先得一檔有得賣, 仲要幾貴$138....點解睇人地個BLOG介紹又話$68咁抵既...唔理都要試下.

跟左大少奶既食譜煮出來又有湯又有主菜, 真係一舉二得.

再去超市買左盒法國藍青口...真係估唔到這盒青口真係超值$188, 但份量勁多又新鮮又甜, 下次要食都係來這間超市買就得.

這個青口因為家中無白酒只係用上蒜頭同清水去煮, 味道都唔錯.

超市亞姐教: 先將青口洗一洗後, 瀝乾水就加入鑊中加水煮到青口開左少少口就倒水出.

在鑊加入牛油爆香蒜頭再加入青口及少少白酒/水, 再焗一焗至青口完全開口就關火就可以食.