素扒

中午時段得閒自己煮個快餐仲好過出街食...我整午餐重點係要快同簡單就OK, 晚餐飯而慢慢準備慢慢煮都可以...HOHO不過我都係講廢話..我煮野又唔叻最緊要都係簡單為上.

LUNCH想快整多士最好不過...今次簡單咁用左Parma Ham做餡再加片芝士加隻蛋就入爐焗 5分鐘攪掂..

係街市$18買左3包菇其中一包係雞肶菇...咁肥大厚切再煎香...扮下牛扒都得...

材料: 雞肶菇1隻厚切, 用老抽, 糖及麻油各少許醃一陣, 預先放入焗爐焗一陣, 同時間預備其他材料就唔浪費時間

其實焗左5-10分鐘左右D菇都熟熟地....再煎香2面加入少少香草即成...

這個扒菇真係幾好味又香又美味, 最緊要簡單又快.