羊腩煲(附食譜)

以前讀書時已經最拿手就係煮羊腩煲, 每逢冬天真係一星期都會食到一次, 宜家想起來都覺得好誇張.

係外國就係無新鮮羊腩買, 係香港更係買新鮮黑草羊先得啦.

材料: 羊腩 1斤, 冬姑10粒, 馬蹄 10-15粒; 蒜頭5-10粒, 薑片 10片

調味: 南乳1-2磚, 腐乳 4-6磚, 老抽 2湯匙, 生抽 4湯匙, 冰糖 少許

1)先將羊腩拖水

2)在煲內加入少許油(我就用左羊既脂肪起鑊)再加入薑片及蒜頭炒一炒

3)加入羊腩及調味再炒香, 最後加入水岩岩蓋過羊肉

4)細火炆一小時後, 再加入冬姑及馬蹄再炆一小時, 關火焗半小時.

食時再加上生菜及鮮腐竹.