單骨雞翼二味(附食譜)

其實我係好喜歡食雞翼又喜歡食香口野, 星期六晚訓唔到係度勁睇人地既blog俾我發現有位blog友~東主煮野食好得, 見到佢整左個酸甜雞翼所以我又跟下人煮.

不過這個菜式無難度只要有耐性炸雞翼就無問題...我炸左8隻雞翼跟住留左一半就做個酸甜, 另一個就無加醬汁只係放左少少芝麻係面.


酸甜雞翼食譜:

雞翼剪一半

醃料: 鹽, 糖, 生粉上面.

醬汁: 茄汁2湯匙, 李派林喼汁1湯匙, 糖,1-2湯匙, 鹽少許, 水2湯匙(我喜歡酸,所以加左白醋1-2湯匙)

步驟:1)雞翼剪後就醃, 到要炸時上生粉

2)炸第一次後, 灘凍再回鑊炸多一次

3)將醬汁放落鑊煮一陣再放雞翼回鑊令到每隻雞翼都沾上醬汁, 完成.