Day 4~倫敦遊(白金漢宮, CAMDEN MARKET & COVENT GARDEN)

今日星期天亦都係我地最後一天留係倫敦遊一遊.今日行程好緊密亦好早要起身, 因為我地要10點去到睇衛兵交接,好彩趕得切睇到佢地交接. 不過我地行唔到佢門口只係見到佢地操入去白金漢宮.唔係講笑冬天企係街頭係度等D衛兵操出來都幾辛苦, 又凍又唔知佢地做咩都無聊.我地都企左前後有45分鐘先走人. 睇完之後一心一意想入去參觀, 點知行到門口先發現星期日無開WOR.

無開就去行下當地既市集, 第二站去CAMDEN MARKET~這個市集亦有 STABLES MARKET及CAMDEN CANAL MARKET. 初時見到好多買衫既店舖既, 不過好多都係淘寶貨式來, 再行入D就開始見到D好有特色既手工品, 小手飾. 再行去STABLES MARKET這個原本係一個貨櫃碼頭, 好多店舖都係D廢棄既貨倉做生意都好得意, 入面仲有好多杯杯碟碟又平又靚, 我怕整爛所以都忍手唔買.而CAMDEN CANAL MARKET最主要係食店多主要中國, 印度等異國美食. 仲要提供D小綿羊電單車坐位俾大家坐係度食.不過對於我地來講中國野就唔岩, 印度野又好似無咩想食, 重點係咁鬼死凍真係唔想坐係街食野...最後行左好耐終於俾我係STABLES MARKET附近搵到間有得食生蠔既英國菜館.

2個人叫左半打生蠔SHARE食, 跟住我叫左FISH & CHIPS友人就叫左個燒魷魚配沙律.這間餐廳就係STABLES MARKET附近, 樣樣野都非常美味. 特別係個燒魷魚燒得岩岩好而唔UN.
雖然好飽, 但都忍不住再出去買左個WAFFLE食. 不過味道只屬一般但竟然要GBP3真係好貴呀.

其實這個市集都幾有特色. 行完後一心一意去坐TUBE去COVENT GARDEN點知出來個果站無啦啦CLOSED左只供出唔俾入, 要我地用行既方法到下一站坐車.真係攞晒命.去到個車站2個人都開始人有三急, 最後都要屈服俾錢去廁所之下, 好勁架今次旅行除左係凡爾賽自願俾錢去廁所(其實可以唔俾), 我地都無搵到D唔需要俾錢既廁所.


來到這個COVENT GARDEN有APPLE MARKET及JUBILEE MARKET, 此處最大特色係好多人係街頭/廣場內表演雜耍,有D都表演得好厲害空中行鋼線都幾勁.不過來這個市集最大收獲係俾我見到我偶像JAMIE OLIVER開既食店UNION JACKS. 其實我知道要來英國都已經想去佢任何一間餐廳搵食, 但來前太忙好多野都無搵一心一意來到一定係景點附近搵到一間. 不過好彩地誤打誤撞都俾我遇見, 當然晚餐就要來食啦.不過當時先4點幾中午又食得太飽, 但這裡我地已經無咩野想行, 唯有去其他地方行下之後再折返食晚飯.這一餐晚飯真係絕對表現我對偶像既誠意.(因為當時睇左MENU其實真係無咩邊樣吸引我食)

行左3小時街後, 仲要俾我地又再誤打誤撞行左去倫敦既唐人街. 

7時到餐廳, 怕要排隊呀!幸好都唔洗等位而且由個靚仔WAITER SERVE真係正.一心一意我要供2個甜品, 所以無叫到前菜.主菜就要左個ROASTED BEEF SALAD & LAMB STEAK, 這個款主菜都非常美味, 燒得岩岩好再配上佢特別既醬汁SUPER LIKE

最後叫左個EARLY GREY雪糕及CRANBERRY TART我至愛係個TART雖然有少少甜但個TART底好鬆軟. 這一餐令我好滿足, 作為倫敦之旅最後一夜既晚餐真係完美句號!

留言

熱門文章