意式焗茄子(附食譜)

這一個食譜真係誠意推介, 簡單方便又好味呀...大家有時間都要試下.

 蕃茄醬材料: 蕃茄3個, 香草適量, 水1/3杯, 鹽少許, 蒜1-2粒切碎

1)將蕃茄切粒, 鑊加入少許油炒香蒜粒加入蕃茄粒, 加入少許香草

2)轉少火煮到蕃茄軟身再加入水煮到差不多收乾水, 放入攪拌機攪半成醬

P.S如果怕麻煩買現成蕃茄醬(拌意粉果款)都可以

茄子2條切片, 芝士絲大量

1)焗盤底先放入蕃茄醬, 加入香草及芝士絲, 放上茄子片加入少少橄欖油在茄子面上

2)重覆1步驟,最後茄子在面層

3)預熱焗爐180度焗15分鐘再加入芝士絲在面再焗5分鐘即可.