旭川日本料理@西灣河

上星期四突如其來一個講座, 打亂我晚上原有既計劃.一放工就拿拿聲趕去聽講座, 萬幸就係原本2小時既SELLING TIME, 最終1.5小時就可以解決都算開心.

一早就約左友人放工去西灣河搵食, 經友人介紹話這裡既日本餐又抵又好味, 當然要來試試...不過店子真係又細又窄, 坐就真係唔多舒服. 不過服務都唔錯有笑容又會主動加茶水唔錯.

2個人懶睇MENU就叫左佢地個二人餐...食物份量都好足.

前菜就有胡麻豆腐沙律, 仲有4件吉列蠔, 三文魚壽司及花之戀壽司.當中我自己最喜歡就係吉列蠔即炸上枱時仲熱滕滕, 炸得金黃又唔油膩而內裡又多汁好美.

再來既壽司就一般總算新鮮. 其實小店既日本刺身我一般都唔會太有期望, 估唔到此店既三文魚腩刺身好肥美又新鮮真係令人回味.

再來熱食就係牛肉鍋及燒鯖魚, 牛肉鍋既湯汁就偏甜只屬一般, 反而個燒魚就魚得剛好不會太乾身.

最後來個甜品就係一粒既雪糕糯米滋..HEA就HEA D不過整個餐咁多食物都係$198又想點..