1/5 Nuevo@灣仔

估唔到宜家出來食飯都好困難特別係星期五晚, 友人生日她給予2間餐廳俾我去BOOK位, 可惜二間都話滿左..最後選左來星街此店食西班牙野.

同這個朋友都識左一段日子,大家都係由BLOG既世界認識真係好奇妙. 每年大家都係互相為大家生日出來食餐飯. 雖然唔係每月出來, 但每次出來都有傾下計吹講下旅行講下煮野過一個開心晚上.

今次這間食店我又覺得唔錯, 以係星街既價錢都叫抵架,食物味道都唔錯, 環境黑暗D但有氣氛出面係D BAR枱好多人係出面飲酒吹水, 而內裡就係給供晚飯.

2個人點左個燒魷魚, DUCK CONFIT大家SHARE來食, 來到更係唔少得叫Sangria飲, 一杯就$80, 1L就$240, 無理由唔叫1L.

先講佢地杯sangria, 我地都一致認同過甜而紅酒份量太少, 真係似飲果酒多D, 只屬一般.

反而食物就唔錯,燒魷魚食時有少少炭烤香而且燒得岩岩好唔會UN.
鴨腿外皮脆口而不油膩, 旁邊既薯仔粒炒得香脆非常好味.

最後叫左個心太軟食, 不過這一個又係一個失敗之作, 心太軟焗得過熟無流心, 相對一般甜品小店更加失敗.

不過整體上主菜都唔錯,而且論價格又真係中等價位算唔錯.