法國風情小店Bistro Du Vin@西環

Happy Friday, 突然約左友人出來食飯, 自從試過星期五想BOOK位都無位都怕怕地, 今次就選係西環區搵食希望唔會又好似咁.

幸好12點打去都話有位, 最後選左係第一輪6:30PM, 地點都唔錯附近又有咪錶位幾方便.

6:40左右到達店子開放式都幾舒服, 唔會FULL HOUSE所以用餐時都幾舒服唔錯.

其實一早已經睇左OR既食評, 知道自己想食D咩.

2個人就叫左個Bone Marrow with Escargot, Bouillabaise For 2.

牛骨髓真係第一次食仲要加埋蝸牛個配搭真係好特別, 未食睇個樣都已經夠吸引. 此店既蝸牛真係好味又乾淨, 配上少少牛髓用來配麵包好正, 估唔到份量都唔沙, 食多2件都其實有點油膩.

再來就係個海鮮湯, 用上LC煲盛上可以保溫真係唔錯.海鮮都份量好多, 不過只想講蝦唔算新鮮只屬一般, 反而最鮮甜係個蜆肉無沙又鮮甜, 魚肉都唔錯好滑好軟物,精華既湯底就更加美味好好飲.

其實食完這2樣野都已經好飽, 只係甜品環節又點可以錯過, 2個人最終都忍不住叫左2款甜品來試下,,,第一個APPLE TART定一個係HONEYCOMB CRUMBLE WITH BLUE CHEESE GELATO

初時會覺得蘋果派會有咩特別, 但估唔到食時會食到中間有D咸香出奇地配合同美味, 另外一款甜品好明顯我就係要試下藍芝士雪糕, 真係估佢唔到地濃烈, 一試難忘.

這一帶附近還有幾間不同小店, 下次有機會都會再來搵食.