燒牛肋骨片(附食譜)

市面上都有好多各式各地既醬汁, 每次想整下當地既食物就走去買一樽醬汁其實都幾浪費. 如果用得晒就好, 但當食左一次之後往往都會隔好耐先再用一次,所以我都盡量唔想買咁多醬汁. 家中最基本既生抽, 老抽, 糖, 鹽就可以, 其實用以上既材料都可以做到不同既美食.

好似今晚做既燒牛肋骨片都有點似韓式醬汁味道都唔錯, 大家有興趣都可以試下.

材料: 牛肋骨一件切薄片, 黑白芝麻(隨意), 生菜片(隨意)

醃料: 醬油1.5湯匙, 糖1沙匙, 麻油1.5湯匙, 米酒1湯匙, 雪梨蓉半個


1)將醃料放入牛肋片醃3-4小時如果可以過夜更入味

2)醃後將牛肋片放入GRILL PAN 煎香即可, 食時灑上黑白芝麻再配上生菜片食.