茶木‧台式休閒餐廳@銅鑼灣

原本一心一意想去程班長食牛肉麵, 點知去到先發現無左...最後就去左銅鑼灣廣場搵食, 見到有間台式食店, 當然上來試下啦...點知未夠6時半已經要等位, 唔通真係好好味....等左20分鐘左右就可以入座.

環境都幾似舒服同光猛, 幾岩HEA既CAFE..唔錯.

2個人點左個台灣牛肉麵, 另外叫左個SET DINNER蚵仔煎(餐包一杯飲品及甜品), 點左個水果茶及芒果蛋糕

先來個牛肉麵, 份量偏小如果細食D既女仔都岩岩好, 味道都只屬一般我岩岩食果件既牛肉超UN又鞋口炆得唔夠淋身, 但友人就話佢D牛肉好軟身唔錯..至於麵身煮得唔偏淋唔QQ...又係失敗之作...整碗牛肉麵最正就係果2件紅白蘿蔔...不值一試

再來跟餐既水果茶都係唔好飲, 唔係用上新鮮水果煮成茶底似係用左D果醬煮茶底所以杯茶都偶甜麻麻地..

再來既蚵仔煎似港式蠔餅, 不過整得尚算唔錯起碼唔會太油又夠脆身, 蠔仔都算幾多, 算係整餐我自己最合意既菜式...不過唔算好台式似港式食物多D.

最後甜品來賣相都十分對板, 點知味道都係一般...太多CREAM好漏又無咩鮮芒果味道整件蛋糕味道都係怪怪....又係失敗!!相信自己都唔會再來.