2014瑞典芬蘭幸運之旅~ Amazing Day 6 (Saariselka - Inari)

28/01/14

今日算係勁hea既一日. 因為我地要坐巴士上再北既Inari我地選擇唔轉車既巴士就只有下午3時先有, 所以我地有成半天係酒店附近唔知做咩好.

一早食完早餐又再回房hea下執行李攪到最後一分鐘先去check out. 放低行李之後, 我地決定去後面果雪兜場地玩個痛快. 其實我都係最盡玩左5次就累啦...我見到有D人應該係到個場地最盡頭再滑落來...但見到D路又彎都唔知個盡頭係邊, 我都只係行上斜D滑下就算.

不知不覺都已經2點呀..我地就回酒店既餐廳內食午餐.




唔知係唔係我地晏食呢, 好似包場咁無人呀.我地叫左個三文魚湯及燒雞扒一起食...此終都係懷念瑞典果魚湯多D, 反而個雞扒雖然烤得有D乾及鞋幸好個汁特別帶少少甜都算唔錯.
食飽係lobby上一陣網, 發現今日極光指數勁令人興奮
見到由早上到中午個天色勁清又無下雪真係好期待今晚上更北會更易睇到極光. 
巴士3:15PM就來我地3點就放定個行李係路容易俾司機見到會有人上車...架車早左少少來到我地又係問清潔司機就俾錢上車. 
其實這個車程時間係2小時, 但當中佢地會停左係中途站30分鐘等實際都係行車1.5小時.
我地去到Inari先5時但天都黑晒攪埋check in入房,


我第一件事係睇Safari活動呀.
好彩地我地手腳快, 又行左去隔離唯一一間公司問下又俾我地book到明天玩snowmobile(當時果間公司收5時但俾我地誤撞入去佢又接我地生意真係算好彩)
今晚我地過左對面超市又係買左D菜回去開罐頭食米粉又一餐.
平時我地都好少8時出去睇極光, 今晚唔知點解我地2個又8時行去出碰碰運氣.
幸運給我遇上它!!

其實當時已經好開心因為之前2日都睇唔到, 估唔到第一晚上來就睇到咁既情景已經好開心好興奮, 我地影到個相機無連就回房休息.
再來11點我地都幾番掙扎先從床上起身換衫出門再碰運氣, 估唔到今次既極光仲勁過8時我一次...令到我地都無咩心機影相而係望到都唔想影相, 這次極光簡直係度跳舞咁移動得好快好美.






整塊湖地都係香港人呀..只係聽到四周都係嘩嘩聲好靚...場面應該唔輸蝕過香港花市..HOHOHO...
今次睇完真係可以完全收工真係可以回房直訓天光!!!


張貼留言

熱門文章