2014瑞典芬蘭幸運之旅~ Day 2 (Stockholm)

24/1/2014
休息左一晚之後, 又係第二天既緊密行程. 今日真係算超緊密亦係我最期待的一天.
就係參觀既Skansen (斯坎森戶外博物館)
食完早餐check out之後, 我地就行番去Central station附近既tourist information centre 問人地點坐電車. 此終出外唔係下下都有街上既人可以教到路, 最終我地都係要行回頭路再去坐電車.

Skansen開早上10點, 我地都係10時出少少就到達望能夠有時間在半天參觀附近3間既博物館.

幸好有好多動物都係室外參觀, 如果唔係天寒地凍都幾難頂.

唔知點解佢地連老鼠都會咁養, 平時係香港見到都覺得好怕好醜, 但放左佢地係櫃內睇佢地食野又覺得幾可愛!!

初段我實在花太多時間影動物, 攪到我錯過左入去小屋參觀睇下佢地瑞典家庭既生活.

我地花左成2個半鐘係度睇動物, 最後沖忙地行去另一處初段我實在花太多時間影動物, 攪到我錯過左入去小屋參觀睇下佢地瑞典家庭既生活.


我地花左成2個半鐘係度睇動物, 最後沖忙地出左Skansen其實向前行10-15分鐘左右就到另一博物館Vasamuseet(華沙戰船博物館)

一入到博物館就見到一隻超大既戰船好完整好大隻呀. 這隻所謂既戰船都無經歷過戰爭就已經浸沒, 所以保存得非常完整.

我地睇晒3層仲估唔到仲有時間去埋另一間博物館Nordiska Museet(北歐民族博物館)
老實講這個博物館係我留得最少時間連相都無咩點影, 真係唔太岩我睇.

今日好勁地行完3個博物館, 真係花盡張Stockholm Card啦, 仲有大巴時間回Drottninnggatan大街行街shopping同埋買野食上船食.

買完晒所需食物後, 我地仲有大把時間係個shopping mall 休息一陣就回酒店取回行李就拖行李去central station附近既tourist information centre出面既巴士站等接駁巴士去碼頭.
今日同樣是幸運日, 未出發前一直查到有這班接駁巴士去碼頭, 可惜個網只係標示由2013年6月至12月,一直等到出發前都無UPDATE到2014年,而我地又推算6月有即係2月未必有巴士啦...當然我都有EMAIL去船公司問佢亦答我2月都有巴士.第一日去到即去Tourist info centre度問, 點知咁好彩個車站就係佢地出面就算我地係酒店拖行李去車站都係10分鐘左右相比我地要坐地鐵再拖10-15分鐘路程更好,加上4點幾都天黑仲要去找路我地都未必有信心.

順利去到碼頭自助換船証就上船啦.

2條友都行到好累, 一上到船搵好房間我地第一件事係...食野真係好餓啦...

食飽2條友參觀下船買下D手信同食物就回房訓啦..