2014瑞典芬蘭幸運之旅~ Day 4 (Helsinki-Ivalo-Saariselka)

26/1/2014
因為9點早機,所以一早5點多就起身6時check out.
原本係打算坐615巴士比較小站同快D, 點知我地計錯時間當時只有一輛620(這輛巴士會多D站同走入市區), 但無計啦我地又唔肯定615幾時到又唔想係外面凍冰冰咁等就只有坐620巴士好.

點知行到唔夠10分鐘部車門自動打開, 司機都整左一陣嘗試鎖左部車門唔開, 最終都失敗.
跟住我地見佢打電話, 估係叫另一部巴士來接我地啦.
當時都已經6時40分, 我地坐9點機仲有少少時間, 如果7時都無既話, 我地都要去坐的士.
幸好10分鐘後, 另一部巴士就來真係有驚無險!!!

我地去到機場7時20分鐘左右有足夠時間...其實都睇過其他blog友話自動編boarding pass, 但我仲以為blog 友貪得意想試下, 我又怕整錯就想直入counter搵人攪就無錯啦...點知原來係唔得, 我地坐既挪威航空係全個人操作, 最多係人D地勤人員俾你問下野.








係D自助印機處選好位輸入你有幾多件行李寄倉後就會吐張boarding pass同行李紙你俾自己貼上行李, 再自己行去櫃位放上行李自己scan埋行李就可以.
行李寄好boarding pass係手就準備過海關, 真係估唔到一清早都咁多人, 這個海關都幾麻煩, 單單排隊攪埋都花左40分鐘.

入到去又再次行下這個機場同埋穿定雪褲等.因為怕一到ivalo機場會好凍又無時間俾我地去穿雪褲, 經過1小時左右既機程我地已經入左北極圈內亦係我地預4日最凍既環境.

這個機場都好細亦唔洗過咩海關, 一落機行一陣就入機場等取行李, 出面已經有架大巴係出面等接客.上車時問清楚司機係唔係去我地住既酒店就安心俾錢上車.

這2天我地就住Santa's Hotel Tunturi,這處都幾方便車站就係reception門口, 而且近滑雪點(如果大家對滑雪有興趣)





12點左右就到達酒店, check in 後我地就入房煮麵食啦...跟住又選下D活動就行去附近唯一一間超市準備晚餐.
這裡既菜真係一睇都覺得新鮮連埋D泥係度..


跟住無無聊聊買左個雪兜準備這2日玩, 點知後來先發現有個雪兜場地裡面勁多雪兜俾人用, 蝕左十幾歐羅...
買完野又去reception訂左明天既活動, 原本想玩過時間長既snowmobile活動, 點知明天無得參加最後就選左玩Husky safari.
訂好活動出去再玩左一陣雪兜都已經天黑晒, 我地回去煮個簡單晚餐


食晚沖埋涼晚上8點左右, 2條人就訓啦..無錯哈哈!!係香港晚上8點真係訓唔到, 但我地今晚要準備11點起身出去睇下有無極光睇, 所以都要休息一陣先.

11點係訓得最深既時刻俾嘈醒仲要穿一大輪衫褲先出得門, 心情都麻麻行到一門仲要凍到死....極之不爽!!!
估唔到夜深出沒既人都唔少, 大家都出來碰碰運氣, 可惜今日運氣麻麻明天再來!!!



其實睇左極光指數今日都係2/3, 但天色又真係唔錯, 而且仲見到好多星星. 不過睇唔到就係睇唔到架啦, 係出面試左一陣相機影下相, 回房已經12點半.

又換衫再訓過, 不過訓得都唔算好中間簡唔中都有開眼睇下個窗出面有無一絲綠光睇下...
哈!!!當然發夢都見唔到綠光, 回到現實都係無綠光出現就天光!!!!!

第一日食白果!!!





留言

熱門文章