2014瑞典芬蘭幸運之旅~ Day 5 (Saariselka)
27/1/2014
雖然昨晚食白果又訓得唔算好穩, 但都無阻我地今日參加Husky Safari(Euro 152/ppl)既興緻.
一早來食個早餐之後, 我地就回房hea下10點就回lobby等人來接, 原來間公司就係我地酒店行上去果度.基本上佢就係來帶路行去佢地公司, 途中問下來接我地既小姐今晚會唔會有機會睇到呀...點知小姐都唔知又話叫我地查極光指數, 但佢又唔知個網址!!!算啦...聽天由命!!
我地係佢地公司換好晒衫就坐車去Husky Farm. 今日仲有一大班日本團同幾個散客, 所以人數都幾多, 去到Husky Farm就有人來接我地開始就介紹點樣操作部車啦, 教好之後我地就準備出發.
睇我...幾有型!!!其實今次真係一D快感都無, 前面可能個男人高比較重身D, D狗拉得好慢, 變左我地係後面差不多全程我地都要踏住個break但仍然都跟得佢地太貼...我地都唔想我地果5隻狗太厲害!!!
又買左少少野就去附近Safari公司睇下有咩晚上活動參加.(其實我地覺得昨晚果點麻麻睇唔到極光, 希望join佢地既追光團會帶我地去遠D無咩光害地方有機會睇下極光)
雖然昨晚食白果又訓得唔算好穩, 但都無阻我地今日參加Husky Safari(Euro 152/ppl)既興緻.
一早來食個早餐之後, 我地就回房hea下10點就回lobby等人來接, 原來間公司就係我地酒店行上去果度.基本上佢就係來帶路行去佢地公司, 途中問下來接我地既小姐今晚會唔會有機會睇到呀...點知小姐都唔知又話叫我地查極光指數, 但佢又唔知個網址!!!算啦...聽天由命!!
我地係佢地公司換好晒衫就坐車去Husky Farm. 今日仲有一大班日本團同幾個散客, 所以人數都幾多, 去到Husky Farm就有人來接我地開始就介紹點樣操作部車啦, 教好之後我地就準備出發.
睇我...幾有型!!!其實今次真係一D快感都無, 前面可能個男人高比較重身D, D狗拉得好慢, 變左我地係後面差不多全程我地都要踏住個break但仍然都跟得佢地太貼...我地都唔想我地果5隻狗太厲害!!!
不知不覺玩完拉狗仔, 狗主都介紹俾我地知拉我地果5隻狗既名, 原來佢地5隻都係女仔真係勁!跟住我地入左木屋內好溫暖燒緊柴, 又飲左杯熱berry juice成個人都舒服晒. 跟住再抱左2隻puppies俾大家影相抱下咁樣之下個活動就完畢.
回到酒店都好累, 我地2個就走去超市內既餐廳食個午餐
最終我地都係參加同一間公司坐車睇極光. 其實佢仲有一款係自己開snowmobile去睇既, 但我地最終都係想睇及影, 又開車好似唔方便.咁不如坐車比較自在D.
晚上參加既Aurora light Safari(Euro 78/ppl) 就只有我地2個同另一對新加坡人, 晚上8點開始換好衫就坐車出發.
首先佢車左我地去左一個公園車程都幾遠架好似都有20分鐘呀.入到去先發現原來今晚參加snowmobile追光團都係同一個目的地, 佢地早一小時出發, 所以一早就到左仲"透"埋火係坐係出面取暖啦.
這裡都有2個冰屋. 導遊小姐介紹下冰屋又講下極光既神話故仔, 就叫大家出去火爐圍住食腸仔飲berryjuice!!
基本上就無人帶相機出來影相, 除左我這個傻仔!!...其實當時既天氣都好好滿天都係星架
我當時都存左幾十絲希望架..而導遊小姐仲叫我向果個方向影下, 因為佢話有時眼睇唔到反而會影到架....下面這幅就係佢叫我影...點知....更係咩都無.
影下相食下腸之後, snowmobile果團先走先, 我地5果團就留下等導遊執手尾,我地又出發去高D地方睇下有無機會睇度....當時天氣亦開始愈來愈凍又加下小雪...開都幾十絲就已經跌到得幾絲希望...點知去到另一景點一落去大風到我都吹得郁而且D雪愈落愈大啦...我果D絲都吹走晒我下車連相機都費時攞...睇左一陣景色我地未夠鐘都散band差不多11時就已經回酒店休息.
今晚都係無極光睇啦...我地2個都直訓天光!
留言