2014瑞典芬蘭幸運之旅~ Day 8 (Inari - Rovaniemi)

30/01/2014

今日一早就起床執野走人, 估唔到未夠7點已經有好多人來到食早餐相信同我地一樣都係坐7點05分既車去Rovaniemi啦..今次既車程足足有5小時左右, 車費亦時最貴每人要成Euro 60仲貴過張內陸機票呀!!!

係車內訓下醒下之下差不多12點就到左Rovaniemi, 我亦經過左最北既Mcdonald's, 可惜無緣入去取張postcard.
我地係火車站落車之後就拖行李行條攞命斜(其實唔係好斜只係冬天又落雪又有厚厚積雪仲要拖住件大行李, 所以都真係幾攞命)

到左住宿果度啦check in後我地亦要趕住去坐8號巴士到聖誕老人村....車站就係火車站內而架巴士都好準時到達...我地差不多成2點先到第一時間唔係見聖誕老人而係去醫肚啦...

跟住就更係去同聖誕老人影相啦好鬼開心果一刻好似見到自己偶像咁開心(平時係香港每逢聖誕節我就係最忙仲慶咩鬼聖誕節呀) 

明知世上都無聖誕老人亦明知都係呃錢既把戲, 但一場來到都影左相咁更係要攞番張做記念架...唔該放低Euro 25啦...HOHO

影完相又行下周圍既店鋪順便亦係例牌買D postcard寄給香港既親友們!!

估唔到都唔係好貴postcard 連郵費都係Euro 2, 如果大家想今年聖誕節收到就要俾成Euro 7郵費.

寄埋postcard行埋周圍都仲有大把時間就係正門處hea下等巴士...

到差不多5時25分我地見部巴士都好似未到就走出門外睇下. 原來部車一早已經係到但唔係停係我地之前落既位, 真係.嚇死!!!

原來佢地個巴士站係正門再行前少少, 所以大家到差不多就直接行出去望下, 千奇唔好係indoor等部車來.

我地坐回程番去順路去埋超市買少少野回去煮飯食....無錯我有帶米去架, 初時都期望有酒店係有廚房點知帶到成第8日亦係唯一一日有廚房借用.

食飽之後我地再問下reception既小姐去確認一下明天去Rovaniemi ranua wildlife park既車站係邊度. 其實來前都查定係坐6號巴士, 只可惜成個Rovaniemi既巴士站都好唔明確, 如果自己找都幾困難. 點知我問個小姐佢俾既答案都令我覺得佢地好唔helpful. 早上問去聖誕老人村果位小姐又係咁晚間這位又係咁....其實做遊客既旅店係需要講得詳細D, 只可惜佢地預設我地係識咁, 所以簡單講2句就算..但個佢教既路一點都唔明確...所以對於這間住處我係一D唔推介俾大家.

最後我地都係要自己找更好係路邊見到個map令到我地知道個巴士總站係邊度..明明只係10分鐘既路程, 我地花左成半個鐘先找到.

咁都算好既..明天既動物園係我今次來這個地方最主要目的(完全唔係為左聖誕老人村來)