2014瑞典芬蘭幸運之旅~ Day 9 (Rovaniemi)

2月 26, 2014

2014瑞典芬蘭幸運之旅~ Day 9 (Rovaniemi)

31/01/2014

今日都係要早起既日子(基本上日日都早起)
食完簡單早餐執埋行李我地就要check out走人...這一間竟然無得寄存行李...我地唯有拖行李去火車站放好啦...再行去對面既巴士總站坐我地既6號巴士...
這一架既巴士係超.............唔密. 加上冬天邊有咁多人走出去睇動物呀!..我地亦估整架巴士得我地2個...點知一大清早8時就有成7個人係總站等這架巴士...好唔好彩這架巴士竟然遲到仲要遲成20分鐘..攪到7條友係出面變雪條呀!!!

點知上到巴士發現個司機唔識講英文..咁大鑊!!幸好原來旁邊坐左個人佢都係服務員, 所有野問佢就可以.上車前問好係唔係要去目的地就安心上車....再訓!!
訓醒落車啦..點知果位識講英文既人都跟我地落車仲要話俾大家知下一班車幾時來同埋個車站係邊度...真係貼心既服務!!!因為距離下一班車都有成5-6小時呀真係點行都一定夠皮啦!!

我地就一心一意係入面慢慢欣賞下動物

點知想同做係二回事..........................................

這個動物園竟然全部係室外..而當日既氣溫係負13度或以下!!!

初段都有一, 二間室仔入去裝下D動物

點知再行落去就完完全全係室外既地方....不過我地都睇得勁開心.估唔到猫頭鷹都有幾個品種仲要佢地有活動緊...仲有鷹, 北極熊, 兔, 連狐狸都見到佢背面(因佢係個箱內訓緊)

不過連續係戶外行成2小時都好辛苦, 我對腳簡直凍到痛呀! 幸好中途我地走左入唯一一處有廁所既地方休息下等自己個身體暖少少先可以再行落去!!

原來同行仲有一位小妹妹都入左廁所休息先可以再行...我地休息左15分鐘又再出去行過.

不過休息完後只係行多30分鐘就已經行晒成個動物園....我地又再回到入口處既餐廳. 一心一意就係想係果度坐下食下野...點知果間餐廳只有buffet食, 講真我地真係無咁既胃口食到buffet...只係想飲杯熱野同食件三文治就算...咁我地都無可能咁無賴hea人地個餐廳度坐又唔幫襯. 迫於無奈我地又再係附近行下睇下有無其他野行(當時距離下一班車係仲有成2小時)

咁我地亦無有興趣到再走入動物園再重睇一次果D動物. 原來係入口處對面既屋仔有幾間手信店而入內亦有一間cafe. 原來這裡亦有一間當地出名朱古力Fazer專門店, 價錢都唔貴有幾款仲有做優惠呀. 不過最後我懶得買而錯過這個機會(如果大家有機會去這個動物園, 這間朱古力店買既朱古力價都係平過特別係有sales果D更加要買)

最後我地就係坐係手信店出面長椅休息消磨埋剩餘時間.

叮叮...3時啦我地又穿回厚厚既衫又再次出去過對面馬路既車站等車..今次班車就早到左, 又係來時既司機及一個服務職員, 而佢地又好似認得晒我地7個人, 等我地上晒車佢先再開車出發.

回到市區又經過最北既麥當勞, 不過真係唔敢去怕時間好趕急又唔識坐車回火車站...最後我地都係去回巴士總站落車再去附近既超市買野食上火車食.

再係超市掃多幾盒特價Fazer朱古力跟住去左Kebarb店買左盒飯就回火車站等取行李火車.