炎丸居酒屋@銅鑼灣

除左喜歡煮, 我仲更喜歡食, 閒時都會喜歡搵下D新餐廳去試下. 這間係TIME SQUARE內既居酒屋估唔到都唔錯, 而且價錢都算中價值得一試.

覺得佢地最正係Frozen 生啤仲要有多款口味選擇真係好鬼正, 大大杯都係$58都算抵飲...當晚試下柑桔味酸酸地唔錯, 就算飲到最尾都仍然凍冰冰...夏天飲最岩不過.

再來叫左佢地既牛腸鍋配蒜容包...陣陣既牛香又唔會太"蘇"又係值得一試

反而叫左個燒蘆筍就覺得好一般, 但燒牛肋骨就認真唔錯燒得生熟度岩岩好食時仍然嫩滑好重牛味, 用來配酒非常一流.

最後怕唔夠飽叫左個燒飯團油甘魚茶債飯都唔錯, 個飯團燒到有少少飯焦,但略縑個湯唔夠熱同無咩茶香味.

整體來講都幾值得一試, 價錢屬中位份量亦唔大,可以叫多幾款食物試下...下次有機會都會再來試埋其他食物