The Steak House Winebar + Grill@尖沙咀

人愈大心景都不同幾年前, 以前會不停追求物質上既滿足, 每月不停買鞋, 衫, 手袋, 每年買一隻手錶俾自己開心下. 宜家一年都未必買到一個手袋, 手錶宜家簡直唔想帶呀.

現在我只想自己開開心心生活, 得閒去做下運動上下烹飪班, 簡唔中出去食下美食會不停去試下新餐廳/新菜式.

星期六晚難得有位友人有人會員卡, 我地就去剧下扒.

因為我地都係早上訂位, 所以要8點交枱6點我地已經到達, 環境方面都算唔錯, 不過我地坐近廚房一點景色都無得睇, 唔緊要啦服務令我非常滿意.

環境非常暗, 所以佢地既餐牌一打開就有燈在底部非常體貼, 不過我都係喜歡光猛D環境...HAHAHA.

再來就係送上麵包及餐前小食, 二樣食物都做得非常出色, 麵包非常鬆軟, 而個小食充滿牛油香味不過一小件還可以, 如果再食真係會覺得有點膩.

我地3個人叫左個蟹餅, 美國牛柳, 澳洲和牛, 羊架, 忌廉菠菜及portobello mushroom 一起分享. 當晚每一位服務員都非常細心體貼.

而且都好細心幫我地推介食物及飲品, 這杯德國啤酒非常好飲,另外友人既紅酒就更加美味,我試左一口都非常口味.

先來個蟹餅, 基本上整件都係蟹肉, 包保每一啖都係蟹肉配上少許辣粉都算美味,

再來主菜前就係俾我地選刀及介紹佢地既鹽用來配食物時用.

二款既牛肉, 真係有點差距美國牛充滿牛味, 但我自己就覺得澳洲和牛既牛脂分佈非常平均食落更加有易入口. 

最差算係羊架只係燒得非常有功夫可惜我覺得沒有什麼羊味, 有點失色.

最後二款配菜都算唔錯.

整晚我地覺得主角係甜品至岩, 估唔到一份咁既甜品我地3個人都係可以KO左1/3 

栗子拿破崙餅鬆脆既餅底加入香甜幼滑栗子忌廉, 下次再來必定係為甜品而來.