Allegretto@尖沙咀

早前時興過既3D拉花咖啡熱潮已過, 而我又一直未試過, 心思思更要想試下.
反正熱潮已過一定唔洗排隊, 所以星期六中午就來這裡順便食LUNCH.

與友人1點左右就到, 只有1,2枱客人, 地方都算大,座位都算OK, 作為一間咖啡店算十分寧靜同舒服.

我地叫左個忌廉菠菜雞肉千層麵及一個士多啤梨芝士餅一起食,而3D咖啡亦只限Cappuccino, 而圖案亦是拉花師話事.一杯$45咖啡真係唔算貴, 杯野比起平常SIZE較為大杯.

至於食物方面都算唔錯, 個千層麵都唔錯, 不過食唔到有雞肉在內, 加上酸酸地既蕃茄醬汁有幾開胃.
另外個芝士餅餡料都唔錯特別大大粒士多啤梨非常吸引, 不過個餅底就未夠鬆脆.

整體上價錢都算適中而且環境都十分舒服, 自己應該再來.