辛安東元祖奶奶雞@銅鑼灣

此店開左一段時間都未有來試, 咁岩上星期等閒就約左友人一起來試.
一早預訂來到都唔算多人, 但安排既位置都非常迫, 安排坐左4人枱的一邊, 不久已經有人坐下.

枱都非常細小, 我地叫左3樣野食都唔夠放, 真係好迫.

2個人叫左一客奶奶雞小辣, 真露煮蜆及韓國冷麵

韓國冷麵既麵底就似公仔麵, 不過冷麵既醬汁少少辣真係幾開胃.

之後見到有好多食評都點既真露煮蜆真係失望. 個湯汁就係清水底沒有味道, 蜆多亦無沙但同樣無鮮味.

最後佢地既招牌菜奶奶雞又真係唔錯, 內裡原來仲有薯粉係底吸晒雞既醬汁非常好味, 而且雞肉好嫩滑, 不過我地叫小辣其實都食不出一點辣味, 下次如果再來可以試下大辣.

整體來講食物價錢都抵食份量又足, 味道都唔錯, 只係覺得座位方面真係有點迫及唔舒服.