Check in Taipei @ 中環

一早約左友人到此店試下, 早前已經見到好多食評介紹此店台灣fusion菜式, 睇圖片食物都非常吸引.

昨晚同友人來了試後, 老實真係非常失望. 食物味道只屬非常一般, 有D可以話唔好食味...而且價錢又貴, 就連座位都係又迫又細又唔舒服, 相信唔會有下次,亦唔會推介俾任何人.

食得台灣野更係飲下佢地既台式特飲, 點知飲品餐牌既台式特飲只有3款選擇, 其他都係飲酒...??

我點左個愛玉檸檬綠茶, 一杯細細既都唔平要成$68, 味道同我地係街買既台灣飲品絕對無咩分別, 只係多左塊薄荷葉...

再來我地點左3樣小食, Chicken & waffle, Ping Pong以及炸蕃薯條

單單講賣相每道菜都好靚好吸引, 其實自己最有期待就係碟Chicken & Waffle.

因為2樣野都係我至愛, 點知令我非常失望. 基本上整碟野都係凍左, 炸雞又係凍又乾而且無味道, 底層既waffle仲要淋身中間有D菠蘿醬又奇怪.

反而最無期望既炸蕃薯條又整得唔錯, 炸得脆身而不油膩配上3款醬汁都好好味, 算係我整晚最欣賞.

 最後既Ping Pong都好有特色紫芋頭中間包住一粒mochi, 不過這一個要熱食比較好, 凍左食有點硬身.

整體來講, 我覺得所謂fusion台灣食物都只屬一般,都係正正經經地道既台灣食物好味好多, 而且細細碟價錢又唔平, 這一點都算...連座位都非常迫又唔好舒服,來一次已經好足夠.