Pizza Express 抵食二人餐

真係好耐都無來Pizza Express, 唔知幾時開始推出左二人套餐真係非常抵食, 單叫一個Pizza都要一百元多D,如果2個人叫左個意粉/小食, 就等於二人餐既價餐..

當晚個二人餐由頭盤沙律, 小食麵包, 到主菜Pizza/意粉, 仲要有埋一份甜品及二杯飲品咁既心動價更係唔洗多想都會要二人餐.

先來頭盤我地點左個紅菜頭沙律配上酸酸地既黑醋汁非常美味, 紅菜頭好鮮甜, 而且這間既火箭菜仲要唔苦真係好味

再來就係點左個Rosemary 烘包,初時以為小食都係細細份,點知來到係有成6大塊烘包份量都多. 不過味道都唔錯, 咸咸地有少少香草味.

再來叫左個四季Pizza, 餅底做得薄身而脆, 非常喜歡佢地既蕃茄醬底好濃郁蕃茄味道, 但略縑配料比較少

最後仲有甜品意大利芝士餅, 味道都算唔錯不會太甜.又係估唔到份量都大.



留言

熱門文章