Texas Burger@天后

昨日終於俾我等到電器開倉...今年既目標係一個焗爐同一個大型攪拌器...

原本昨晚都有堂要上, 但中午時段俾我睇到昨日係第一日電器開倉更係為左shopping唔上堂啦...女人就係咁..shopping大過天!!!


更好今年都係早好, 好似今年既貨量唔多, 不過最終都係完成我既2樣目標成功帶回家...

買完心頭好就去附近搵食, 見到天后新開左間burger店食評都唔錯就決定來試下.

2個人叫左一個德州burger加薯條及汽水, 另外就叫藍蟹肉煙肉意粉.

 這個意粉我覺得忌廉味較重食多2啖已經覺得好飽漏, 不過蟹肉及煙肉份量都幾多架, 意粉亦煮得剛好.

反而個人認為burger就更加出色. 雖然個漢堡扒唔算大件, 但個扒就好多汁再加上脆卜卜既煙肉同埋bbq醬汁非常美味,

旁邊既薯條我更加喜歡條條都好脆身, 相信短期內我都會再翻食.