泰式美食3@九龍城

星期六走左去九龍城搵食, 咁岩有咪錶位所以就係附近既街睇下有咩泰菜餐廳. 其實都無咩心水求奇入左此店試下就算..估唔到都搵到好野食, 香港真係一個美食天堂.

我地選左燒魚則魚, 泰式木瓜絲沙律, 再來個香茅炸田雞...

先來既沙律食落都幾鮮甜, 加入咸香既蝦仔真係幾開胃. 辣度我自己就覺得岩岩好唔錯, 不過木瓜絲就好似無咩味道, 唔知係唔係唔岩時節呢...

再來既炸田雞都唔錯, 田雞都幾肥美但就無咩香茅味道, 這一味就可以不試..

最後來既燒魚好大條亦好肥美, 啖啖魚肉好滑好甜, 下次再來都必選之菜式..