炊豕店@禮頓道

上次想來此店食晚飯, 點知星期日無開真係有點失望. 忍不住隔左幾日既平日專登再約友人來此店要試下佢地既台灣野食, 明知佢地都唔多選擇, 但見到食評介紹真係好想試..

我地2人叫左個台式肉燥飯同埋一個豬手撈麵. 裝飾得好懷舊都幾得意, 至於餐紙食物選擇都唔係好多無記錯好似只有5款套餐選擇, 價錢包埋一罐汽水都係$50左右都叫抵食..

至於味道亦好一般, 特別個豬手撈麵真係麻麻地, 豬手係炆得好淋身可惜好多茨汁, 亦沒有南乳味道,而且麵身偏淋真係好一般, 相比一般普通麵店既豬手麵更麻麻.

肉燥飯係煮得唔太油,個人只覺得似港式肉碎飯, 來試一次就算.