大阪李朝園 ＠銅鑼灣

一心一意想去銅鑼灣試果間台灣菜既小店, 點知星期日無開...所以最後我地就轉陣去此店試下..

當日唔算多人地亦好輕易咁坐到將4人枱, 就算店子細細座位都幾舒服..

睇下餐牌價錢亦唔算貴, 一個菜都已經有包飯都係大約$70-80左右..

我地點左個石頭飯跟小冷麵, 另外一個係店主推介既泡菜豚肉鍋配飯

點完餐後就即送上一瓶泡菜, 不過泡菜味道只屬一般相比韓式泡菜少左D香辣味道

先來既石頭飯味道唔錯, 如果好似我咁喜歡有飯焦, 這一店一定滿足到...整個石頭飯都有好多飯焦香, 加入大量既蔬菜都唔錯,

但配上既冷麵味道就麻麻, 無咩味道, 個湯又無味D麵質又唔算特別好味.

再來就係泡菜豚肉鍋, 原來鍋中已有即食麵條再配上幾片豚肉片及大量蔬菜, 味道都係只屬一般, 豚肉片煮得太耐有點鞋, 個湯亦唔算好辣, 可能佢地醃既泡菜本身唔辣.

整體上食物都只屬一般, 相比韓國人處理既韓國料理味道都差太多, 但此店既服務就令人好舒服, 又細心.