重覓魚鮮味@細鱗 (附日式煮魚食譜)




流連街巿,賣魚依家大致有三類,淡水活魚、鹹水但已經訓著的冰鮮魚、鹹水活魚。呢期打算試幾多幾款鹹水魚,唔好似為新鮮一定貴,拜近年養魚技術的成熟,活魚唔係剩得桂花、鯛魚,為了刺激消費,鹹水活魚種類都越來越多,細過食到的多寶和石班,依家係街巿的價都好抵食,唔駛一百蚊都有斤幾。

今次食的就更抵,呢種魚叫細鱗。$25/條,當日已經買到9-10吋左右,問清楚魚販唔多骨,事實上食落都係咁。另外魚販話鮮魚梗係蒸,食個陣覺得皮算有點厚,肉質細嫩鮮甜。

因為今日比較得閒,加上條魚都唔細,就試下一魚兩味。魚尾用傳統港人常見的清蒸,魚頭上半身就日式。港式魚係鮮+咸,日式係鮮+加甜。日式要用的醬料係日式醬油和味醂,呢2樣調味料就似鼓油同米酒,但日式醬油會帶甜,而味醂加入魚可除腥之外,煮菜期間早加可以減少肉質鬆散。

日式煮魚

調味料:
味琳 1湯匙
日式醬油 1湯匙
糖 1湯匙
水 1湯匙
酒 1湯匙

1. 將所有調味料放入鑊煮。

2. 加入魚,滾後加蓋轉微火繼續煮15分鐘左右(視乎魚大小)。

留言

熱門文章