重覓魚鮮味@石崇魚

家中有人要進補，據說石崇魚有益（但真係查唔到資料）。唔理啦，見街巿有，所以買來試試。呢種魚頭大身細，魚販都話只適合煲湯。佢見我好似真係唔識咁，好熱心咁教，話新鮮魚, 唔駛加薑都得。
煮法好簡單，熱水放入滾30分鐘，喜歡加乜就加乜，最簡單就通常只加准山、瘦肉、陳皮。呢種魚傳說以前較平，依家太多人買來補（尤其手術刀傷），活魚可貴過百元, 冰鮮約$40-60斤。最後試左用來煲湯，都確實好清甜。