Bread Street Kitchen & Bar @中環

我同友人都極度喜歡睇Master Chef, 從節目中更加喜歡Gordon Ramsay. 佢係這個節目中無係Hell Kitchen中咁惡..有一日友人話佢開左餐廳係香港不如一齊去試啦.我當然贊成啦..不過上星期想BOOK位都話無位唔係都要成9點先有位...可以試下walk in

昨日就6時左右就到場攞位, 最後都係只得一張大既communication 枱...即係撘枱..不過無問題我地真係好想食..

2個人叫左個Seabass carpaccio, 一份Pork belly, 一份side dish Honey carrot一起食.

此店我自己都幾喜歡入面D服務員個個都笑笑面, 初時以為serve我地張枱既外籍人士好似黑黑地面咁, 點知原來都係好nice.另外一點自己喜歡就係一般D西人餐廳一定問你飲咩...你答水呀...佢就會問你有汽定礦泉水...但此店又OK你答水佢咪俾水你又唔會好似強迫你開支水咁...

講番下食物先...先來就係一藍麵包有2款..不過我地2個都覺得芝麻麵包最好味暖暖地配埋D牛油真係好正..

等一陣一次過前菜,主菜同配菜一次過上來...初時睇到D份量我地都覺得好似唔係好夠...點知食到最尾就覺得有點漏. 可能個豬腩肉真係好大塊同幾油膩.

個刺身海爐魚真係唔錯配埋D水果汁清清甜甜,

再來既豬腩肉外皮係勁脆, 其實食落真係有點似中式燒肉不過相比燒肉既肉質就更加軟身同香...配埋蘋果醬汁甜甜地中和D油膩.

至於蜜糖甘筍充滿香料味好香好好味.

其實食完都已經好滿足, 但2條貪食友又點會放過甜品..最後都叫左個Pineapple carpaccio來食...
這一個甜品真係叫得好岩...酸酸地既菠蘿岩岩中和番之前食豬腩肉既肥膩呀...個菠蘿切到好薄再用百香果汁配埋..仲要中間既椰子雪糕非常好味..所以話食完晚飯仲要配埋一個完美既甜品先得既...今晚食得非常開心..下次早D訂位坐得舒服D就更好.