蝦醬蒸爽肉(附食譜)

今日原本想蒸排骨
去到街巿, 見到人地買舊半肥瘦, 但又唔似五花腩
問下豬肉先生
佢介紹呢個位叫爽肉
無論蒸、炒、煮、炸都係爽, 都好食咁話
咁梗係要買來試啦

今次煮的方法係以前朋友媽媽成日煮比我食
做法超簡單, 今日就煮下
另外, 提醒大家一下,
切爽肉厚薄可以隨意, 但切薄就快熟, 相反切厚就要蒸耐少少.
去到薄片咁, 10分鐘都得; 排骨咁厚有口感就要蒸30分鐘上下.

食材：
爽肉一塊
蝦醬適量

1. 將爽肉切塊, 加入蝦醬 ( 每塊都要有色就叫夠, 另外嫌咸的話可加少少糖 )
2. 蒸20分鐘即可.

( 後記 )
爽肉的肉味媲美排骨, 比其他瘦肉的部份好食
而且咬口感又豐富, 有少少似豬扒咁, 下次一定要試埋炒的食法