2015~澳洲之旅 Day 2 Sydney(藍山公園)

我地選這間hostel完全係因為佢近Central Station方便我地去藍山公園. 我地一早起身係Hostel食左少少簡單早餐就出發, 到了車站買好來回火車票就上車再訓過.
經過2小時車程早上10點多就到達Katoomba 火車站.

我地第一站係要去Scenic World到買票, 所以我地就去坐local bus每程$2.2, 上車俾錢就可以. 其實一出車站都有Tour店主要係出售旅遊巴士行晒成個藍山公園既景點, 所以如果大家對坐藍山公園的纜車無咩興趣都可以選擇坐巴士遊覽.

當然我來都係為左坐果3款纜車, 明明上網已經讀晒有咩套票買...點知去到買票時已經得番一款叫unlimited ticket任坐纜車, 仲要貴好多要成AUD 35. 不過無計佢都係只得一款套票可以買.

我地第一站就去左Echo Point果邊, 所以我地就搭左Skyway先...初時以為整部車既底部都係透明玻璃可以望出去底部, 點知原來只有一小條係透明仲要個玻璃花到都望唔到出面..真係有D流.好啦我地過到對面就源山路行去Echo Point, 一邊行下山一邊欣賞下風景. 今日天氣一樣勁好加埋D涼風行山一流.

去到Echo Point我地影埋地標三姊妹後我地又行回頭路去坐回skyway番Scenic world. 回來已經12點多我地就決定食埋午餐先再坐埋其餘2款纜車.
這裡得一個food court 食物來來去去都係漢堡, 炸魚同意粉...味道都係無咩期望啦...食飽就算.

飯後我地就去坐我地最期待的Railway, 我地仲專登等多一班車就係為左坐車頭. 點知有個外藉女士夾硬要同我地一起坐車頭, 攪到友人都非常無癮.
這個railway係全世界最斜坐頭一個真係好好玩, 不過唔係行得好快所以一D都唔驚.

我地去到山谷就順便再行下山, 今次行既地方多樹林所以行得更加舒服.原本我地係想回本地坐回Railway上番Scenic world. 但我地最後決定找埋係地圖顯示的小瀑布, 行埋影埋相就坐回最後一個Cableway回Scenic world.

無錯其實你會成日聽到我去一個點又再係另一個點回Scenic world. 其實Scenic world就係一個中間點, 其他景點就分佈係附近以佢地3款纜車去接合, 所以大家怕會唔識點行.

我地行完後再坐回當地巴士回到火車站好彩地等左15分鐘就有車回悉尼啦...又可以係車再訓過.

回悉尼已經6點左右, 我地係車站對面超市買牛扒回去hostel 玩煮飯仔...這間Hostel好正個廚房好大又多廚具連調味, 油, 豉油, 魚露都有

 最正佢地係用明火夠火力用來煎牛扒就最正啦..食飽係附近散下步又回房休息啦.