2015~澳洲之旅 Day 5 Gold Coast - Hervey Bay (龍柏無尾熊動物園, 庫特沙山)

不知不覺已經到了第5日都完成左行程的一半, 今日同明日都係開得最多車花最多精神的時間. 原本今日打算去一個酒莊兼睇埋薰衣草, 後來大家商量過後覺得唔係好夠時間又唔想太夜先到Hervey Bay. 最終我地都係去左動物園同庫特沙山就算.

9點幾退房後我地就開左差不多1小時車就到龍柏無尾熊動物園,

來這裡唯一一個目的就係為左團友想抱抱無尾熊及影相, 點知來到團友先知要俾成AUD 18. 初時死都唔要經我多番要求下團友先捨得放下錢去親親無尾熊...

其實講真影這幅相係有D蝕..事源我地係影相隔離表演台乖乖坐係度聽完工作人員無尾熊的生活介紹等後, 工作人員係抱左隻無尾熊出來俾大家又摸又影相, 咁何想言之團友係極不情願之下去付上AUD 18既...HAHAH不過難得一來無計

其實這個動物園唔係好大, 最多就係樹熊仲要有好多隻都好精靈, 另外這裡最正就有好多袋鼠仲要係近距離接觸, D袋鼠真係好得意. 唔知係唔係太多人餵食, 佢地有好多都飽到唔願食...我見到有幾個人將D食物放到佢地咀邊佢地都唔食..

我地邊等相等食午餐行完都係1點幾, 跟住再去庫特沙山影下個相. 來這個庫特沙山係因為佢係望晒整個布里斯本既景色, 上到來又真係好靚好舒服. 

好...望下時間都3點啦出發開4小時車去Hervey Bay

開車時途中既風景真係好靚!!

由天光光開到天黑都仍然有2小時車程, 最後果段真係好辛苦. 因為已經入到郊外加上行高速無街燈...不過開左4小時多既車都平安到步. 我地首先都係去左Motel check in先啦...

原本打算係途中有無咩野岩食就直接買回去食, 點知無咩野岩又加上怕太遲無人幫我地check in, 所以我地就攪左check in再問下附近有無野食. 幸好motel服務員話這條街開車上就有食店唔洗怕...今晚這間motel真係似美劇果D一出門就係停車場而且每間房前都有張枱櫈, 我地出去買左炸魚薯條番來係出面望下星星食個晚飯就回房休息準備明天要早起.

這間房又真係租得平呀..原本我地訂同一條街但就要雙倍價錢,幸好我地晚來又話無人係front desk, 所以我地先選這一間. 房間都大重點都叫乾淨...都係訓7-8小時無咩所謂!!