2015~澳洲之旅 Day 6 Hervey Bay (Fraser Island)

今日7時一早就起身係Motel出面條街等部車來接, 點知一出門就見到已經有一行10人左右既家庭及2個人係門口等..初時我地仲以為唔係咁岩一齊等車呀..大家等左好耐有個女人就問我地係唔係一樣等去Fraser island既接送車...這時我地先安心有咁多人一起等.
等呀等呀等到7:25AM部車先到...點好名俾左張Day Tour卡我地就上車去碼頭
之前睇到一個blogger講這個行程佢第一次無見過有亞洲人參加, 我今日果團都係一樣我地係唯一2個亞洲人....來到碼頭啦這隻船係上層坐人下層係車架...仲要係部部四驅車..因為Fraser Island都係由沙只有四驅車先行到

今日天氣好正又唔算太猛太陽加上有D涼風最正不過!!今日一早未食早餐, 幸好船上都有野食買我地食左香腸卷同咖啡亂行下坐下不知不覺已經到啦..一落船我地就將個牌俾回司機亦即係今日我地就係跟住果部車.今日我地就係坐這部超大四驅車一架車我估都有40-50人呀...

亦有D人參加2日1夜/3日2夜既團係個島上住架...

嘩..唔好講笑這個島都係沙路加上我地坐車尾呀真係好彈,所以司機都要我地每人都扣好安全帶..幸好我食左暈船藥唔係都幾辛苦. 司機其實兼導遊每帶一個景點佢都會同我地一起下車作講解

差不多到11點幾就來到我為左要來這個島既目的地~75里長海灘...見這隻沉船...真係好有feel加上無敵天氣好正..我地影完相又再去另一個景點

Eli Creek & Pinnacles, 這度有好多人都開始換上泳衣

嘩..都成1點啦.終於到食午餐..這個團有包埋所以我地去這個島上唯一一間resort食lunch buffet

勝在填肚食飽我地休息下又上車去最後一個景點Lake俾大家游下湖水

玩完5時多就回程啦番到Motel都已經6點多D我地都快手快腳開車去Brisbane, 我地晚餐都係去Drive-Thur一邊開車邊食,回到酒店都已經10點半,大家都累整好野都已經12點啦..幸好明天唔洗好早起身