2015~澳洲之旅 Day 7 Brisbane-Cairns

今日我地早上10點半到機場還車, 所以我地9點出門就係想係布里斯本市中心行下, 點知我地行過橋覺得好似商業區咁覺得好似無咩野好行, 最終我地回去酒店附近搵間餐廳食早餐好過.
我地唔知係度邊度好似係博物館內有間Cafe, 叫左件雞肉三文治再加杯咖啡
這一份早餐無論三文治同咖啡都非常好飲...嘆完都10點啦..好啦出發去入油交車...

點知同我地3日既GPS最後一日竟然失效搵極都搵唔到內陸機場, 幸好我地有電話既GPS..不過都攪左一陣..明明20分鐘既車程我地都要成30分鐘先到..好彩我地一直都係預早有好多時間..

交完車行過對面就可以寄埋行李入境啦...今程我地就坐Tiger Airline...真係好彩坐2班內陸機都無延誤/取消航班...

12:30PM就到達Cairns, 好明顯這裡真係比起其他地方熱好多..我地係機場買左單程去酒店既shuttle就直接到酒店啦...我地係Cairns會留5晚這間酒店都幾大又有廚房,廳同房, 可惜無洗衣機啦...原來距離市中心都要行20分鐘真係幾遠, 如果我地下次再來都係要再找過其他酒店...不過整體上我地都好滿意.

放好行李我地又要出去啦..因為我地要去訂定幾日既行程活動. 其實我已經計畫去2間旅行社問價就算. 第一間我地去左Dr. Tours遇上個香港人同聲同氣, 最後就係去我地係黃金海岸幫襯過既F.I.T. 經我地2個人商議之後都係覺得Dr. Tours.介紹比較詳細同專業D..所以我地決定幫襯佢順便訂埋走時的機場接送...我初時仲以為要1次過俾晒錢, 點知原來佢地係收訂金,其餘都係當日參加活動時先付款(除激流要親自到店付尾數)

我地安排左第一日就跳傘, 第二日就參加天空之城,第三日就大堡礁潛水,第四日就激流. 

其實我地原本計劃係潛多次水多過想玩激玩, 點知就係Dr. Tours.話好多客人都訂左2日一般玩完1日都要回來取消第2日潛水話太累, 講到我都怕所以我地就改玩全日激流好.反正我地多左1日係度又無咩其他活動想參加,. 

我地訂好晒野就去超市入貨早D回去煮晚飯就算...