咖啡弄@銅鑼灣

記得這店岩岩來港時真係大排長龍, 我同友人都試過等上1小時先有得食, 而且排隊既地方都幾鬼焗, 冬天時等還可以但夏天真係有D攞命...估唔到隔左咁耐都仍然要等位..我地12點幾去到幸好等十幾張枱...我同友人等時都已經想定要不要去其他食店..可惜真係無咩心水決定留低等位好過...幸好都係等左20-25分鐘都有位食飯..

我地每人叫左一份咸點再叫左個限定拿破崙蛋糕一齊食.

咸點我地叫左個雞肉薄餅同咸牛肉三文治...份量十足....

好喜歡這店既麵包鬆軟得來帶點牛油香好好味, 個咸牛肉夠厚身啖啖肉...

不過我自己最喜歡都係佢既薄餅, 雞肉帶點甜似照燒汁再加入蕃加同芝士一齊焗好味,不過可能蕃茄有D出水入面偏濕攪到個底部麵包好都濕軟.


再來友人點既水果茶都KEEP住水準, 而我既蜜桃茶加上大量鮮水果都非常好飲又唔會太甜...

最後我地點既限量拿破崙蛋糕就有點失望, 本身個拿破崙餅唔似一般鬆脆反而係有點淋身...幸好中間既CREAM唔係太漏而係帶點檸檬酸甜.

整體來講這裡既食物都非常好味, 特別係麵包類, 而飲品選擇都好多好特別.