桑椹百合青欖紅棗湯

我自己由細到大皮膚都唔係好, 近幾年仲要無啦啦有濕疹有時係手有時係背同身都幾麻煩, 特別轉天氣就更加嚴重. 其實睇中西醫都試過. 西醬既藥係好但下下都類固醇自己又唔想搽同食咁多啦...所以上網研究下有咩湯水可以為自己調理下..

點知係芳姐個網就有這款湯水, 自己飲左6日啦...皮膚有濕疹既地方真係開始埋口, 雖然簡唔中都有D痕, 但已經相比未飲之前好左好多,所以係度都同大家分享下這個食譜.

桑椹子有乾濕貨兩類, 季節性水果. 乾貨可在中藥店有售. 每兩約$10, 最低消費通常2兩. 百合及紅棗, 乾貨店有售, 因應食材大小及來源, 價錢差異較大, 通常一包一包發售, $10-50包都有. 青欖, 街巿山草藥地方有售, 唔同街巿價錢差好多. $20-$40磅都有. 因為濕疹, 按照芳姐建議, 連服10天, 功效明確.

材料:
桑椹 1両
百合1両
青欖 6粒
紅棗去核 10粒

1)所有材料清洗好用8碗水煲4碗(用壓力煲1小時), 煲完可放入雪櫃, 早晚1碗