莆田@銅鑼灣

之前想試下這間餐廳, 可惜當晚唔知係滿座定點唔接受電話訂位, 好奇怪昨晚又可以訂位即刻來試下啦...不過昨晚7點半來到都唔係太多人未滿座.

一來就送上一碟小食係酸蘿蔔, 非常爽口美味幾開胃...

我地2個人叫左個九轉小腸, 燜豆腐同埋鹵麵...一來就係個小腸份量極少初時都怕其餘2碟都係咁小都唔夠食..點知最後2碟既份量就非常大份, 基本上2個人唔想浪費食物食晒都幾辛苦呀..幸好此店既食物味道都唔錯好岩我地2人口味..

個小腸爽口又唔肥膩加上佢地自家辣椒醬更加惹味...

再來既鹵麵個湯底好杰身多菜少肉又清清地唔錯, 麵質偏淋身,不過又唔會一PAT PAT都唔錯..材料都極豐富有幾隻蜆, 冬姑, 菜, 肉絲, 豆腐干絲等非常美味..

最後來既燜豆腐係我地2個最喜歡食, 豆腐整爛加入粉絲,肉碎去燜, 食時有少少濃濃地又少少似臭豆腐味道咁..真係好特別


這裡服務就一般, 又唔會主動加茶, 不過食物真係唔錯, 下次有機會都想試埋其他食物.



留言

熱門文章