2015~日本福岡鐵路之旅(Day 4)
17.09.2015
今日行程比較輕鬆只不過去有田踩單電再去Tosu Outlet行街!!原本行程就係博多HAKATA(7:30) -有田ARITA(8:49) Midori
有田ARITA(13:10)-烏棲 TOSU (14:12) Huisten Bosch
之前查個天氣今日都可能會有機會落雨, 所以我地都係見步行步..反正D 火車票可以更改.
其實我編行程時都想下要唔要去遠D例如長崎/佐賀/豪斯登堡..不過睇下過景點又想行outlet情況下, 我地決定去有田踩下單車輕輕鬆鬆, 中午再去血拼好過. 反正我地去旅行未試過租單車踩...
一早係車站買左D迷你牛角包就上車...今日既火車呀!!上車更係食飽又訓下....
訓醒!!有田出既人都唔多, 當中只有3個外藉人士加我地2個人...
見到D天氣都唔錯呀...係有D暗暗地!!!唔理啦..落雨咪踩回頭交車再換車票去Tosu
我部電單車呀!!幾型!!
友人初時係要買神社繪馬俾佢既好朋友, 點知買野既地方又無人, 但D繪馬就放晒出來...攪到我地想放低D錢就攞走一隻...最後我地更係無咁做...
不過突然我地想起不如大叫入去睇下有無人開門....
第一次我就SAY HELLO...呀呀呀...當然無反應!!
第二次我用雞仔聲講D唔咸唔淡既日文"SUE 咪 媽 捨"....呀呀呀...又無反應!!
第三次到友人既大聲公再講一次"SUE 咪 媽 捨"....呀呀呀.....度門開左...HAHAHA!!
終於俾友人買到繪馬送俾佢朋友啦!!!
點知我俾個漢字地圖去..大概估啦以下內容:
叔叔話佢唔識睇漢字...跟住我指既地方行入去會上一個斜路再落一個大斜..又叫我地2個唔好入去咁樣又對膝頭唔好, 又話危險有車...應該擔心我地整到又問我地有無電話啦...我地只係勁答"係係係"再加個90度鞠躬...咁樣都俾叔叔雞同鴨講左2-3分鐘佢先俾我地走人.
這裡真係好舒服好似香港既行山徑咁舒服加上清清涼涼真係好舒服...踩到出去友人見到超市..我地又哄入去買下野食又開始回車站.
都只係11點我地提早一班車去Tosu早D血拼完早D回. 好多人介紹來有田都係買陶瓷...我呢!!就係買佢地既便當...就送埋陶瓷啦!!!
我果日買都只係得2盒......拿拿聲買一盒啦即場店員幫我叮熱!!另外友人叫我買盒高島豆腐試下...好啦我地就早D入去車站...開餐...HAHHA我地好勁架..除左係廁所我地咩地方都可以開餐....
有田便當係咖哩飯無肉架...但個咖哩汁好正呀加埋中間既芝士...好好味呀!!!
至於盒豆腐..初時咪以為普通豆腐啦一定KO得晒...點知...佢好似加左糯米咁...係好滑呀但亦好糯米咁食落好似好飽咁...2條友盡力食左一半都要浪費...真係唔好意思!!
食飽就上車又再訓!!訓醒去outlet血拼完
我地行左2小時左右啦加上下雨啦...我地就回去博多放低D戰利品先.
一心一意就係去搵下酒店附近有無超市同埋行到邊睇下有咩食..點知無意中俾我地發現柳橋都近我地酒店...咁最後一日我地可以行來啦..
再行都見唔到咩心水食店, 最後又俾我地發現我地第一晚果間平平居酒屋, 又入去再食啦....
幸運女神又出現..食完出來對面俾我地見到有超市....HAHAH更係又入去掃下野食啦...咁樣又回酒店休息LU!!!
小插曲: 番到酒店大家沖晒涼準備要訓我又再查一次明天火車票先發現明天留係阿蘇成6小時....之但係明知都上唔到阿蘇火車架啦...留咁耐不如早D去熊本行街好過啦...即刻查下有無早班坐ASOBOY火車去阿蘇再等下2班車去熊本都無咁痛苦...
當時晚上10點啦...好啦博一博即換衫去火車站睇下有無得改啦...
好彩都俾我地改到飛...而且亦可以訓晏少少先出門...安心番去訓!!
留言