2015~日本福岡鐵路之旅(Day 6)

19.09.2015

今日係旅程最後一天, 原來友人就係想去另一間電單車店..點知昨日我地回熊本時就俾佢發現熊本附近都有一個..我地山長水遠咁坐車又行路過去...友人行唔夠5分鐘就走人破晒記錄呀...原因好簡單間野真係好濕好濕...連D頭盔又少又醜呀...所以佢自己成日就係度想來想去今日究竟要唔要去...昨晚已經再三問佢要唔要去架啦..佢都話唔洗令願訓晏D去柳橋再係天神行下算...
咁我地今日就9點幾起身,執行李準時10點就CHECK OUT...

行過去柳橋睇下有無野開左..點知原來都有好多間店已經開左買野..不過這裡真係好細同我地以前去開既漁市場相比真係差太多..不過我地都買左盒刺身, 中拖羅壽司同半條鰻魚係圖二既地方度當街隊呀...HAHAH

講真這裡D野都係好一般啦...我地見到其間都有D香港人來睇野..不過無人好似我地2條友咁係度買野食啦...不過我地都係想試架啦.

食飽就向天神方向行...點知友人突然就再改主意話去行電單車店..唉..算啦俾佢玩死我...AHHAHAH..不過每次帶我去電單車店既地方都一定唔係咩旅遊區反而係果D地方會有野行下...今次去既地方都唔例外..又俾我係果度水果店執左D水果又係超市買到D野...唔錯...

幸好友人亦買到佢心儀一頭盔...

好啦買完都成1點, 我地去到天神都係得番1小時左右行..當時都無咩心機行啦...原本想搵間餐廳坐底食野..點知又無咩心水, 最後去左間cafe食左個甜品..再回博多酒店附近既牛井試下牛肉飯..(係呀..我地去咁多次日本都未試過呀)又真係同香港既牛肉飯有好多分別..下次再來要試埋吉野家先得...

食完我地回酒店取行李就去番巴士站等去機場既巴士...唉點知架巴士遲到攪到我幾心急啦...

去到機場我地執埋行李就去寄倉..今次2條友2個行李連30KG都唔夠...@.@

又創新低呀..今日應該又係HK EXPRESS超賣,所以我地排隊時就有地勤問我地介唔介紹留多晚...當時我地介紹啦...友人要番工我亦想星期日休息多一日先番工架..

入埋海關我地一心一意又想shopping睇下有無野買下...點知這個機場好細呀又無咩店鋪.只係買多幾盒手信..我自己再隊多盒炒麵先捨得上機啦...友人話我今日勁食野食到傻...咁又係呀...一早係柳橋食完已經好飽..去超市又再買杯雪糕同野飲又隊埋, 再去隊杯雪糕, 又食牛肉飯...去到機場連炒麵都殺埋..好似最後衝刺咁...

這個6日5夜之旅都完美結束!!