樂天皇朝@銅鑼灣

知道這間食店都好耐, 亦知道佢地有不同口味既小龍包. 昨晚約友人係銅鑼灣就決定來這裡解決晚餐.
好彩友人早到去取位先7時半都唔需要點等位.
2個人都未試過佢地既小龍包, 所以就叫左個8款口味既試下..
我地各人試左4款口味, 我試左原味, 芝士, 蟹粉同埋麻辣,
友人就試左蒜香, 黑松露, 鵝肝同人參.

講真初時覺得小龍包就係原味最好味, 加入其他口味會岩味嗎??估唔到出來既口味都幾新鮮, 當中我自己最喜歡芝士味又唔會太濃,但有少少咸香. 而我最期待的麻辣就好一般只有一個辣而不麻, 至於蟹粉就更加唔推啦..
至於友人話黑松露都好濃郁好配合, 人參既參味重, 鵝肝同蒜香都唔算好突出...

不過整體上這裡的小龍包口味多, 而食悶左原味既小龍包這裡都幾大驚喜.

再來2個人再叫左半份話梅元蹄, 份量都算多, 而且炆得夠淋身但就無咩話梅味道.不過用來配飯都一流..

下次有機會再來都要試埋其他食物.